Radøy interkommunale busenter

Hva tilbudet er

Radøy interkommunale busenter er ein institusjon for personar som treng heildøgnsbemanna butilbod innan psykisk helse.

Målgruppa er menneske med langvarige psykiske lidingar og behov for tett oppfølging frå helsepersonell. Målet er å hjelpe bebuarane til å leve eit sjølvstendig, trygt og godt liv, med oppfølging — den enkelte bebuar sine ønskje og behov ligg til grunn.

Interkommunalt — også for Bergen-pasientar

Busenteret er eit interkommunalt samarbeid mellom Vik, Bergen og Alver, med Alver som vertskommune.

Det betyr at tilbodet ikkje berre gjeld Alver-pasientar: også pasientar busette i Bergen kan vere aktuelle. Det er uvanleg for eit butilbod i vårt område, og verdt å kjenne til når ein Bergen-pasient treng døgnbemanna bustad og dei kommunale alternativa er fulle.

Når dette passer fra DPS

• Pasientar med langvarig psykoselidelse eller alvorleg bipolar liding som ikkje meistrar eigen bustad
• Utskriving frå døgnavdeling der pasienten ikkje kan bu sjølvstendig
• Der Omsorgsbustad pluss ikkje gir tett nok oppfølging
• ROP-pasientar med samansette behov og funksjonsfall

Dette er eit institusjonstilbod, ikkje ein bustad med ambulerande teneste — terskelen er høgare, og oppfølginga tettare.

Krav til søkjar

Dette er strengare enn for ein omsorgsbustad, og to av krava gjeld DPS direkte:

• Over 18 år
• Vedvarande og omfattande behov for behandling eller oppfølging
• Må kunne nyttiggjere seg av eit institusjonstilbod
• Behovet må etter fagleg vurdering berre kunne dekkast ved langtidsopphald i institusjon
• Søknaden må dokumenterast med legeuttale eller spesialistvurdering
• Andre tenester må vere vurdert eller prøvde først

Skal du tilrå denne plassen for ein pasient, må du rekne med å skrive spesialistvurderinga sjølv — og å gjere greie for kva lågare omsorgsnivå som er prøvd, og kvifor dei ikkje strekk til. Ta det med i planlegginga i god tid.

Kva får bebuaren

• Hjelp av helsepersonell og individuelt tilpassa oppfølging
• Medisinsk behandling og oppfølging ved sjukdom, med tilsyn av tilsynslege
• Tilbod om sosiale aktivitetar ved og utanfor institusjonen
• Fri medisin og fri tannbehandling ved offentleg klinikk
• Råd og hjelp til å flytte vidare til eit butilbod med mindre oppfølging når bebuaren er klar for det

Pris og saksgang

Prisen blir fastsett etter bebuaren sin økonomi, etter forskrift om eigenandel for kommunale helse- og omsorgstenester.

Kommunen svarar normalt innan fire veker, og tek kontakt dersom dei treng fleire opplysningar eller ønskjer å besøke pasienten.

Kontakt

Alver kommune, forvaltningskontoret: 56 37 50 00

• Telefontid kvardagar 10:00-12:00
• Ope kvardagar 09:00-15:00 etter avtale
• Søknad sendast som sikker elektronisk post, leverast på Innbyggjarservice i Knarvik eller i postkasse på Frekhaug/Manger kommunehus, eller sendast til Alver kommune, Forvaltningskontoret, Postboks 4, 5906 Frekhaug

Sjå også

• Omsorgsbustad pluss Alver — lågare omsorgsnivå, same søknadsveg
• Psykisk helse- og rustenesta Alver — kommunal oppfølging
• Raus bufellesskap Osterøy — tilsvarande på Osterøy